先說明一下, 以下係事實之全部, 絕無誇大及不誠實......
本人只針對今次P美容院對本人的待遇!!
上月看見 P美容院 招攬BLOGGER試做 <A療程>, 因為 P美容院 在 TZ 常常得到非常高的評價, 所以我一直都很想試做~ 某天, 得到 P美容院 來電通知可以前往面試, 心情興奮~~
到了面試日....有一員工安排我到休息室填寫個人資料.. 然後一直等..(電話又收唔到)..呆等...足足等了50分鐘...
(如果咁唔得閒, 點解要約我繁忙時段呢?) OK, 算了.....鬼叫我真係好想試咩!!
負責人終於忙完, 叫我入房影相睇清楚皮膚底層......
我知我皮膚一向好差好多色班等問題, 所以我先想去改善, 負責人話我色班好嚴重, 問我想唔想整返好塊面...
以下係我地對話既節錄:
負責人: 嗱, 而家我可以俾你選擇試做 <A療程> 同<B療程>, 不過你咁嚴重, 最好2個都做啦!!
(呢句說話真係可圈可點, 我覺得佢係誤導緊我囉)
我: 咁你覺得我應該做邊樣好呢?
負責人: 我地做野有分先後次序, 最好先做 <B療程> 再做<A療程>, 咁先有用, 你同我買個<B療程>啦, <B療程>平D, <A療程>價值$6XXX嫁!
我: 咁<B療程>幾錢?
負責人: $9XXX 十次, 你睇我成4X歲, 你得2X歲咋, 你可以好靚女嫁!!
我: (開始覺得被SELL中) 我無咁多錢, 亦無信用卡......
負責人: 咁先做 5次囉, 都見到效果嫁, 你放心WO....而家無論點,我都會俾你做<A療程>的 (然後叫個員工係我個FROM度 MARK低我係試做<A療程>既其中一個BLOGGER)
我: 唔好意思, 我真係想先試做<A療程>先.....
負責人: 咁好啦...你返去等我地通知啦, 記得寫得我地好D WOR~~
直至........某天.....
我收到 P美容院 的EMAIL說我不被錄用為是次試用.......
WOW~~呆左囉.....唔係我唔俾錢就無得試用呀?!
又係你地實牙實齒話我一定你地公司其中一個試用BLOGGER!
講真, 我對 P美容院 真係非常之失望, 咁多位出名BLOGGER係度幫你地''背書'', 點知原來未試做就已經勁SELL, 我本來對 P美容院 既療程好有信心, 試做只係想試下係咪適合自己然後再考慮是否購買.....點知連咁既機會都無~~
身為BLOGGER, 我有權利同義務去真實咁公開我既待遇同感受囉...
唔通係我唔好彩?
沒有留言:
張貼留言