星級剪髮~~

 

較早前受到 IMORE 邀請 試用O.H Hair Salon 夏日專業剪髮服務

真係受寵若驚.....因為明明我個試用團資格仲係審核中(其實都應該有一年吧)

 

O.H Hair Salon 全名 ORIENTAL HEROES Hair Salon

係尖東九龍尖沙咀富豪酒店 B217

開業超過 17 年，曾為多個大型演唱會及時裝表演擔任髮型顧問，同時亦參與多位影視紅人的髮型創作。

星級顧客: 李克勤、周潤發、鍾楚紅、周慧敏、黃日華、吳家樂、洪天明、陳庭威、梁榮忠、汪琳、關禮傑、漢洋、陳蕊蕊、新晉組合 MVG 等‧

 環境清靜, 寬敞, 乾淨~
服務都好細心, 我因為去錯左另一個間酒店, 搞到遲左成30MIN, 佢地都無黑面, 仲攞左杯水俾我飲~~

哈, 偷影今日幫我既髮型師 KIDD~~

KIDD 問我想點剪, 咁我就話無咩唸法, 不過就係唔想剪短......
佢又問我之前用咩電髮, 原來佢要了解我用邊種方法電髮, 先可以更清楚點樣剪, 因為佢要跟返個卷~~
溝通好之後,於是我就交個頭俾KIDD啦~
洗頭按摩同平時係髮型屋差不多, 係洗頭水香D~
KIDD一路剪一路叫我要好好保護頭髮, 又教我保養既方法, 我知我知, 我D頭髮真係一把禾旱草
SEE~~又旱又乾~~

修剪前:  碎尾, 卷曲, 上重下輕

修剪後: 剪哂開叉既髮尾, 做返上輕下重既感覺(KIDD話而家興WO~)

KIDD 人好好, 人手幫我SET返曲髮(真係用手指當髮芯卷再吹乾定型)
可能在別人眼中我既剪前剪後都無咩分別, 但係我睇到佢落既功夫, 由上重下輕變為上輕下重真係要好俾心機, 而且我個一把爛髮, 佢盡量都變為睇落健康有光澤(哈哈)...希望我會不負佢所望,好好咁打理一下~~

其實點解係星級剪髮? 除左多明星外, 仲有價錢都好星級($480一次專業理髮服務)

============================================================

新開左Mimi的專頁, 拿拿臨快D LIKE埋我呀~~

Mimi 的專頁  (按我)

=====================================================================