哈哈....對於食....其實我都幾有公信力(雖然我有超嚴重偏食症)...
但就係因為剩係食開個幾樣野...所以先知道邊度做得出色....
至於魚生刺身方面, 我有個從事日本餐飲業既男友, 所以佢介紹得既都一定唔會差...
另外.....我仲有一個食神朋友成日同我地飲飲食食~~
咁既陣容....我地應該可以出書了
先黎一篇澳門篇先!!
(事關我一年去幾十轉澳門(誇大左少少
), 去到好似返鄉下咁, 所以我成日都去試新野)
), 去到好似返鄉下咁, 所以我成日都去試新野)不過亦由於我係路痴一名, 加上記性差差地, 好多地方只係記得好食/點去/舖名咋
未必有相, 因為成日去, 而家都廢事帶相機了......
小食篇
大利來記咖啡室 (14:30好去排隊啦)
必食 菠蘿豬排包/普通豬排包
不過我一直對有骨的豬排包有點排斥
氹仔官也街莫義記
必食 木糠布丁+榴槤雪糕
路環安德魯萄撻
有2間, 下面呢間係新舖, 有冷氣, 服務一流!! 直行行前小小就係舊舖
本人極愛, 只食安德魯萄撻, 總覺得瑪嘉烈只係得個甜字
黑沙灣
必食雞翼!! 附近士多有椰青賣, 一邊食住飲, 真係透心涼~~ 不過椰青一個$28
講真, 個炭燒豬排包都幾好食~
正餐篇:
氹仔峰景餐廳
拿..呢間野係我食過覺得最甜最鮮最多膏既水蟹粥!! 之但係..已經係2009年8月既事, 呢段期間我去過誠昌等其他地方食水蟹粥, 都發現麻麻地, 粥唔棉, 無蟹味, 連蟹都極少..下次去, 我會再去試食返峰景餐廳, 睇下佢有無變先
新萄京自助山
要7日前上官網book位
好多選擇, 真係睇見都開心, 以前喜歡去金沙, 不過而家差左lu....
必食 長腳蟹!!
新馬路馬統領街(新蒲京附近)
有一間咖哩炸魚片麵好好食(當然仲有其他野都好食)...
係瑪嘉烈萄撻隔離...唔記得舖名
佢地d咖哩係俾你自己落嫁
講明先, 呢個炸魚片麵唔係人人啱, 如果2個人去叫一碗就ok, 試下其他野...其他雲吞撈粗個d都好一流, 不妨試試~
星際蘇浙匯
剩係呢碟腸粉都已經值有米芝連既星星啦
睇相都睇得出又薄又滑又足料!!
$98任食點心,
當然可以選擇唔任食啦.....不過又係一定要BOOK位
分兩段時間, 十一點至一點, 及一點至三點半'
酒店地址: 澳門友誼大馬路| 電話: (853) 2838-3838 | 電郵: enquiries@starworldmacau.com
超級抵食葡國餐
係花城公園附近, 唔記得叫咩cafe咁上下, 係m記隔離
我黎食過幾次, 因為本地朋友介紹, 雖然外表好茶餐廳feel, 但佢d野真係好食, 燒春雞能夠做到咁嫩滑真係唔簡單
佢地仲有其他葡國菜食, 不過我無影相啦~~ 一人唔會過一百, 燒春雞好似約$50, 總之唔使睇價錢點菜啦~~
必食燒春雞
Number One
澳門理工學院附近
必食呢4碗野!!!
宵夜推薦
'六記粥麵''
澳門仁慕巷1號
我覺得呢度d粥夠棉, 但就好咩蟹味囉.....即係蟹有蟹味, 粥有粥味囉
必食蝦子麵
千其唔好叫炸雲吞, 一d都唔脆嫁!!!! 同埋個汁都唔好食 ~~
講住咁多先, 其他唔記得.....哈哈
小資訊
book酒店, 船飛等, 我一定去呢間旅行社
因為均真同埋平, 而且阿姐真係會盡心盡力幫你搵你想要既野, 不過阿姐係串左d, 仲有不接受電話查詢嫁!!
註: 生客必sell你 $80新濠天地自助餐套票, 千其唔好要, 個buffet簡直你送俾我都唔會食個種, 成個buffet加埋水果甜品都無20樣野, D野唔新鮮之餘d味仲怪怪地....入去唔夠15min即走!!!!
一定唔會翻兜既店舖:
澳門新蒲京附近個間 澳門茶餐廳, 服務態度真係....去死啦!!!! 想知點解,自己去試下
氹仔莫義記對面既 公雞葡國餐廳, D扒類全部都有一陣酸叔味, 其他炒雜菜, 萄國雞都係好一般....我仲試過有一次經驗係....坐樓下....佢部舊式電視突然跳制發出火花...職員無疏散我地不突止..仲唔解釋事故俾其他客人知(我親眼目擊整件事情).搞到有D恐慌....隔左一陣....下層就充斥著臭膠味...亦無幫我地調去上層...D餸食到一半到無...就頂唔順走人....同時亦無任何折扣(完全唔識做生意)
wakaka....原來影落都唔少相.....希望幫到大家.........
沒有留言:
張貼留言